Bli med på å utdanne politi for framtida

Tilsette med ulik kompetanse

Du får kollegaer som underviser og har bakgrunn som mellom anna politi, juristar, kriminologar og psykologar. I gangane møter du også forskarar og tilsette som jobbar i til dømes administrasjonen, kantina, resepsjonen eller på bilverkstaden. Vi ønskjer at dei tilsette skal spegle mangfaldet i samfunnet.

Du må ha plettfri vandel

Dersom du vil jobbe hos oss, må du ha plettfri vandel og levere politiattest når du skriv under på kontrakten.

Sjå politiet.no om korleis du søkjer om politiattest

For deg som skal søke

• Dette tilbyr vi

  Eit godt arbeidsmiljø med kollegaer frå mange ulike yrkesgrupper.
  
  Kompetanseutvikling med høve til støtte til pedagogisk utdanning, masterutdanning, hospitering og deltaking på kurs og konferansar.

  Medlemskap i Statens pensjonskasse.

  Fleksibel arbeidstid.

  Eigne kantiner med servering av frukost, lunsj og middag.

  God høve til å trene

• Slik søkjer du på stillinga

  Vi nyttar Webcruiter som elektronisk søknadssystem. Det er viktig at du fyller ut CV-en i Webcruiter mest mogleg nøyaktig og fullstendig. I tillegg må du skrive ein søknad i fritekstfeltet der du fortel litt om bakgrunnen din og motivasjonen din for å søkje. Lenkje til Webcruiter finn du i stillingsannonsen.
  
  Hugs at du må ha plettfri vandel for å søkje. Du må i tillegg levere politiattest når du skriv under på kontrakten.

  Sjå politiet.no om korleis du søkjer om politiattest

  Tilbakemelding

  Når søknaden din er registrert, får du ei stadfesting på e-post om at søknaden er motteken. Så snart stillinga er tildelt, får alle søkjarane ein e-post der det står kven jobben gjekk til.

  Utvida og offentleg søkjarliste

  Når du søkjer, blir du oppført på ei utvida søkjarliste. Ei utvida søkjarliste inneheld informasjon om namn, alder, utdanning og arbeidserfaring. Alle søkjarar til ei stilling har rett til å sjå den utvida søkjarlista for den aktuelle stillinga. Du kan ikkje be om fritak frå å stå på denne lista.
  
  Alle statlege etatar må i tillegg utarbeide ei offentleg søkjarliste med informasjon om namn, alder, kjønn, noverande stilling og bukommune. Dersom du ikkje ønsker at namnet ditt skal stå på den offentlege søkjarlista, kan du søkje om dette ved å krysse av for det og forklare kvifor i søknaden din i Webcruiter. Dersom søknaden din ikkje blir innvilga, vil du få informasjon om dette og høve til å trekkje søknaden.