I denne forskingstimen vil deltakarar frå utviklings- og forskingsprosjektet “Tilbakemeldingskompetanse og tilbakemeldingskultur i politiet og politiutdanninga” presentere ein tilbakemeldingsmodell og kva han byggjer på. Bak prosjektet står av eit tverrfagleg team ved Politihøgskolen i Bodø.
Modellen er utvikla på bakgrunn av intervju med studentar og ei rekke aktørar både innanfor og utanfor etaten, og dessutan observasjonar ved utprøving. Gjennom modellen blir studentane lærte opp til å gi og ta imot tilbakemeldingar på ein formålstenleg måte, der det berande prinsippet er den gode intensjonen: Ein skal formidle og få i beste meining. Slik kan studentane både bli trygge på kvarandre og på at modellen fungerer. Elementa til modellen blir støtta av pedagogisk forsking og har vist seg å innehalde ein logikk som er overførbar til andre felt, eksempelvis mellom tilsette og mellom leiarar og tilsette.
Tilsette ved PHS og i etaten blir inviterte til å vere fysisk med på Politihøgskolens campus i Bodø. Påmeldingslenke til fysisk arrangement finn du her.
Media er også velkomne til det fysiske arrangementet. Hugs ID og å møte opp i god tid for sjekk av denne.
For andre interesserte er streamen open for alle.