Vil du vere med og utdanne politiet?

Hos oss får du jobbe i eit miljø der politi og høgskulesektoren har samkvem. Vi er opptekne av at du skal utvikle deg og like deg på jobb.

Tilsette med forskjellig kompetanse

Du får kollegaer som underviser og har bakgrunn frå blant anna politi, juristar, kriminologar og psykologar. I gangane møter du og forskarar, administrativt tilsette, og tilsette som jobbar i resepsjon, bilverkstad og i kantina. Vi ønskjer at våre tilsette skal vise mangfaldet i samfunnet.

Du må ha lytefri vandel

Viss du vil jobbe hos oss må du ha lytefri vandel og levera politiattest når du signerar kontrakten.

Sjå politiet.no om korleis du søkjer på politiattest

For deg som skal søkje

• Dette kan vi tilby

  Eit godt arbeidsmiljø med arbeidskameratar frå mange forskjellige yrkesgrupper.

  Utvikling av kompetanse med mogeleg støtte til pedagogisk utdanning, masterutdanning, delta på kurs og konferansar og hospitera.

  Medlemskap i Statens pensjonskasse.

  Fleksibel arbeidstid.

  Eigne kantiner med servering av frukost, lunsj og middag.

  Gode treningshøve.

  Personalhytte og sommarhotell i Stavern.

• Slik søkjer du på stillinga

  Me brukar Webcruiter som jobbsøkjesystem. Det er viktig at du fyller ut CVen i Webcruiter so nøyaktig som mogeleg. I tillegg må du skrive ein søknad i fritekstfeltet der du fortel noko om bakgrunn og motivasjon for å søkje. Lenkje til Webcruiter finn du i stillingsannonsa.

  Hugs at du må ha lytefri vandel for å søkje. Du må i tillegg levera politiattest når du skriv under på kontrakten.

  Sjå politiet.no om korleis du søkjer om politiattest

  Tilbakemelding

  Du får ein stadfesting på e-post når søknaden er motteken. Når nokon er tilsatt får alle søkjarane ein e-post der det står kven som er tilsett.

  Utvida og offentleg søkjarliste

  Når du søkjer på ein stilling kjem du på utvida søkjarliste. Ei utvida søkjarliste inneheld informasjon om namn, alder, utdanning og arbeidserfaring. Alle søkjarane har rett til å sjå den utvida søkjarlista og kan ikkje bli friteken frå å stå på lista.

  Statlege etatar må i tillegg leggje til rette for ei offentleg søkjarliste med informasjon om namn, alder, kjønn, noverande stilling og heimkommune. Viss du ikkje vil at namnet ditt skal stå på offentleg søkjarliste, er det mogeleg å krysse av og forklare kvifor du ikkje vil stå på offentleg søkjarliste. Du kan trekkje søknaden din i Webcruiter viss dette ikkje blir innvilga.