Personvern og informasjonskapslar

Relevante område

• Kva opplysningar vi behandlar og kvifor

  Politihøgskolen behandlar opplysningar som krevst i samband med søknaden din om opptak til studium/kurs, nødvendig informasjon om deg som student/besøkande, eller opplysningar som blir lagra når du besøker nettsida vår eller kontaktar oss med ein førespurnad.

• Bruk av nettsidene våre

  Det blir nytta ulike informasjonskapslar på nettsidene våre. Ein informasjonskapsel (cookie) er ei lita tekstfil som blir lasta ned og lagra på datamaskina di når du opnar ei nettside. Dei fleste nettsider nyttar i dag informasjonskapslar for å betre brukaropplevinga. Du kan sperre for bruk av informasjonskapslar i nettlesaren din. Viss du ikkje har sperra for dette, blir det rekna som at du har godteke bruk av informasjonskapslar. På nettsida vår nyttar vi informasjonskapslar frå Google.

  Sjå detaljert informasjon om informasjonskapslane vi nyttar

• Førespurnader

  Når du tek kontakt med oss, behandlar vi personopplysningane som du oppgir. Vi lagrar og behandlar desse personopplysningane for å kunne hjelpe deg med førespurnaden din og svare på spørsmåla du har.

• Søknad om opptak til studium og kurs

  Når du søkjer om opptak ved Politihøgskolen, vil vi behandle personopplysningane du oppgir i samband med søknaden. Vi vil også be deg om ytterlegare personopplysningar dersom søknaden er ufullstendig. Vi vil berre innhente og behandle opplysningar som er nødvendige for å behandle søknaden din om opptak hos oss.

• Student og kursdeltakar

  For at vi skal kunne identifisere og registrere deg som student eller kursdeltakar ved Politihøgskolen, må vi vite namnet ditt, adresse, telefon- og fødselsnummer (11 siffer).

  Du må oppgi denne informasjonen for å kunne bli student hos oss.

  I tillegg blir informasjon om gjennomførte kurs og studium pluss eksamensresultat (karakterar) registrert og oppbevart. Desse opplysningane blir lagra i Felles Studentsystem (FS). Dette er informasjon som vi er lovpålagde å oppbevare og difor ikkje kan slette.

  Informasjonen blir ikkje utlevert til uvedkomande.

  Det blir også samla inn personopplysningar når du nyttar datasystema våre. Når du byrjar som student hos oss, får du eit brukarnamn og passord du nyttar for å logge på systema våre eller system du får tilgang til som student/kursdeltakar hos oss. For at vi skal kunne administrere IT‐systema våre, vil tidspunktet for når du logga på, plasseringa og IP-adressa di bli lagra i systema våre.

  Når du nyttar utstyret vårt, samlar vi inn og lagrar opplysningar om denne bruken, derimellom tidspunkt for pålogging, plassering og varigheit. Dette er opplysningar vi behandlar for å kunne administrere bruken av utstyret og sikre dei interne systema.

  Elles gjeld IKT-instruksen til Politihøgskolen.

• Videoovervaking

  Politihøgskolen har eit system for utandørs videoovervaking av bygga og anlegga som høyrer til skulen. Hensikta er å sikre bygningsmassen mot hærverk og innbrot. Alle dei overvaka stadane er godt skilta.

• Bruk av kurs- og overnattingsfasilitetar

  Når du nyttar deg av kurs‐ og overnattingsfasilitetane våre – anten det er som student, kursdeltakar eller ekstern kunde – må vi behandle mellom anna namn, adresse, detaljar om overnattinga (namn på hotell, romnummer, pris, betalingsmåte, tal på døgn, tal på gjestar osv.), passnummer (berre for gjestar med registrert adresse i utlandet) og arbeidsgivar (for overnattingar i regi av firmaavtale) for å kunne administrere hotellreservasjonar og tilby overnatting.

• Verkstadskunde

  Når du nyttar deg av verkstaden vår, treng vi følgjande opplysningar for å kunne administrere bestilling eller gjennomføre service og reparasjon: servicehistorikk, køyretøyinformasjon og kjøpshistorikk, namn, adresse, telefonnummer, informasjon om bestilte varer, kjøpshistorikk, kjøpsinformasjon, kjøpsdato, bilregistreringsnummer, bilmodell, kilometerstand, rabattar, informasjon om utført service og reparasjon, fakturainformasjon, informasjon om reklamasjon og garanti, informasjon om klagesaker, informasjon om produktgarantiar, i tillegg til opplysningar vi får frå tredjepart:

  • offentlege person‐ og køyretøyregister: namn, kontaktinformasjon, køyretøyinformasjon, tilstandsrapport, informasjon om eigarskifte

• Uttak av varer på depot/kantine

  Dersom du bruker ID-kortet til skulen når handlar i depotet eller i kantina, blir det lagra informasjon om fullt namn, saldo, kva du handla og når. Dette for at du skal få eit rett kostnadsbilete og at vi skal kunne hjelpe med gjennomgang av innskots‐ og kjøpshistorikk.

• Besøkende

  Av omsyn til tryggleiken og for at vi skal kunne administrere besøk, må besøkande registrere seg med namn, organisasjon, kven dei besøker pluss dato og klokkeslett for besøket.

• ID‐kort/Studentbevis

  Alle studentar har ID‐kort og elektronisk studentbevis (Studentbevis‐appen).

  Les personvernerklæringa for Studentbevis‐appen

  Det blir nytta ID-kort for å kunne gi tilgang til skulen avhengig av soner eller tider på døgnet. Det blir behandla opplysningar som namn, saldo, tilgang og brukar‐ID for å kunne nytte multimaskinene ved skulen.

• Kor lenge vi lagrar personopplysningane dine

  Opplysningar vil som hovudregel bli sletta når behandlingsbehovet fell bort, med mindre anna regelverk (t.d. arkivlova, rekneskapslova og/eller universitets‐ og høgskulelova) krev at vi oppbevarer dei.

• Behandlingsansvarleg og personvernombod

  Politihøgskolen er ansvarleg for behandlinga av personopplysningane du oppgir til Politihøgskolen eller legg att når du nyttar denne nettstaden. Politihøgskolen har eit eige personvernombod som skal ta hand om behandlinga av personopplysningar ved skulen. Personvernombodet kan gi råd og rettleiing dersom du har generelle spørsmål om korleis Politihøgskolen behandlar personopplysningar.

  Du kan kontakte personvernombodet på e-post: personvernombud@phs.no eller ved å sende brev til:

  Personvernombudet
  Politihøgskolen
  Boks 5027 Majorstuen
  0301 OSLO

  Av omsyn til personvernet ber vi om at du ikkje sender sensitive personopplysningar på e‐post.

  Personvernombodet kan ikkje svare på spørsmål om saksbehandling ved Politihøgskolen eller andre førespurnader som gjeld sakene og vedtaka dine. Slike førespurnader sendast på e-post til: postmottak@phs.no.

• Det rettslege grunnlaget for behandlinga vår

  Behandlinga av personopplysningar til studieadministrative formål er først og fremst heimla i lov om universitet og høgskular, med tilhøyrande forskrifter. Der opplysningar blir behandla for andre formål, vil det vere på grunnlag av kvalifiserte interesser og med heimel i andre lover og forskrifter.

• Tilgangskontroll og overføring av opplysningar

  Den store mengda personopplysningar som Politihøgskolen forvaltar, stiller høge krav til tryggleik. Vi har difor etablert eit eige styringssystem for å innfri krava til informasjonstryggleik. Dette omfattar mellom anna fysisk tryggleik, tryggleik i IT‐system, risikostyring og planar for kontinuitet, beredskap og krisehandtering.

  Når Politihøgskolen nyttar eksterne leverandørar, blir det stilt tilsvarande strenge krav til tryggleik, kontroll og dokumentasjon for å beskytte personopplysningane dine. Skulen har dessutan inngått avtalar med alle underleverandørane for å sikre personvernet. Politihøgskolen vil ikkje overføre opplysningane dine til uvedkomande, men pliktar å utlevere opplysningane til

  • Statistisk Sentralbyrå (anonymisert)
  • BIBSYS
  • Lånekassen
  • Database for høgare utdanning (DBH) (anonymisert)
  • Nasjonal vitnemålsportal
  • RUST (Register for Utestengte Studenter) – berre ved dokumentfalsk i samband med opptak / søknad om opptak

• Rettane dine

  Du har rett til innsyn i opplysningane som Politihøgskolen har lagra om deg. Du har også rett på å få utlevert ein kopi av desse. I tillegg vil du under visse føresetnader kunne krevje sletting, korreksjon eller avgrensa behandling av opplysningane dine. Du har også rett på å få overført opplysningane dine til ein tredjepart i eit enkelt leseleg format (dataportabilitet).  Dersom du vil klage på behandlinga av personopplysningane dine, kan du kontakte anten Datatilsynet eller personvernombodet vårt på e-post: personvernombud@phs.no.

  Her kan du lese meir om personvernrettane dine ved Politihøgskolen.

• Informasjonskapslar

  Her finn du meir om informasjonskapslar